XitUz.Moy.Su Eng Yangi Ma'noli She'rlar Bizda!

Эр-хотин ўртасида муҳаббатни кучайтириш учун 10 та восита

Admin — Fri, 10 Oct 2014 03:00:42 GMT

Кимда ким банкка қўйган пули кўпайишини истаса, бунинг чорасини излайди. Худди шунингдек, кимки аёли билан ўзаро муҳаббати янада кучайишини истаса, бунинг сабабларини қидириши лозим бўлади. Қуйида ўша воситалардан 10 тасини келтириб ўтамиз. 1. Ўзаро ҳадялар улашиш. Масалан, уйқуга ётиш олдидан чиройли атиргулни ёки чиройли рангли қоғоз (откритка)га гўзал сўзлар ёзиб, аёлингизнинг ёстиғи устига қўйиб қўйсангиз, бу нарса жуфтингизга қанчалик ижобий таъсир этишини кўрасиз. Эр аёлига ҳадяни кулгу ва табассум ҳамда ёқимли сўзлар билан берадиган бўлса, унинг қалбида эрига нисбатан кучли меҳр уйғонади. Ўз навбатида аёл ҳам эрига қўлидан келганича унинг меҳрини жўштирадиган бирор ҳадя беришга интилмоғи керак. Зеро, халқимизда “Қарсак ҳам икки қўлдан чиқади” деган мақол бор. 2. Ўзаро гаплашиб ўтириш учун алоҳида вақт ажратиш. Суҳбат чоғида ҳам бир-бирларининг сўзини бетоқатлик, бесабрлик ва катта эҳтимом билан эшитишга уринишлари керак. Албатта, бунда самимийлик йўқолмаслигига жиддий эътибор қаратиш лозим. Зеро, Умму Заръ розияллоҳу анҳо ривоят қилган ҳадисда Пайғамбар алайҳиссалом Оиша розияллоҳу анҳонинг узун сўзларини эътибор билан, жим туриб эшитганлар. 3. Эрнинг аёлига ва аёлнинг эрига ўтли қараши. Эр-хотин ўртасидаги расмий муносабатлар, яъни эрнинг ўз вазифаларини бажариши ва аёлнинг ўз вазифаларини бажариши ёки бир-бирларига севишларини изҳор қилишларининг ўзи муҳаббатни кучайтиришга кифоя қилмайди. Баъзида гап-сўзсиз, имо-ишоралар, қарашлар, овоздаги ўзига хос оҳанглар, кўзнинг муҳаббатга лиммо-лим ўтли нигоҳи ҳам ишни битириши мумкин. Буларнинг ҳаммаси кўнгил, руҳият орқали амалга ошириладиган ишлардир. 4. Ишга кетаётганда илиқ хайрлашув ва ишдан қайтганда илиқ кўришув. 5. Аёлни мақтаб туриш. Уни ҳамма нарсадан қизғонишини одоб билан изҳор қилиш. 6. Баъзи ишларда аёлга кўмаклашиш. Масалан, уйдаги шахсий кутубхона китобларини тартибга келтириш, баъзи таомларни пиширишда ёрдамлашиш, болаларга тегишли нарсаларни биргаликда амалга ошириш ва ҳоказо. Зеро, Пайғамбаримиз алайҳиссалом уйларида оналаримизнинг ишларига ёрдам берар, кийимларини ўзлари тикар эдилар. 7. Ширин сўз. Эр ҳам, хотин ҳам бир-бирларига шундай сўзларни топиб гапирсинларки, натижада ўрталаридаги муҳаббат яна ҳам кучайсин. Масалан, бир-бирига севишини айтсин, “Сиз менга Аллоҳнинг неъматисиз” каби сўзларни айтиш айни муддаодир. 8. Суҳбат учун ҳеч ким халақит бермайдиган тинч жой танлаш. Бунда хатто болаларнинг овозлари, шовқин-сурони ҳам эшитилмасин. Албатта, тўла хотиржамликни ҳис қилиб суҳбатлашиш эр-хотин ўртасидаги ўзаро ишонч ва меҳрни янада жонланишга ҳисса қўшади. 9. Ўртадаги муҳаббат меъёрида бўлишига эътибор бериш. Бу жуда муҳим масала. Бир-бирини жуда қаттиқ ҳам севмасин, жуда бегоналашиб ҳам кетмасин. Ҳамма ишда мўътадиллик яхшидир. Зеро, муҳаббатга муккасидан кетишдан қайтарилган. Ўртада масофани сақлайман деб узоқлашиб ҳам кетмаслик керак. Зеро, ўртадаги масофани сақлашда қанчалик чуқур кетилса, муҳаббатга шунча путур етади. Кўпгина оилавий муаммолар ҳам аслида мана шу бегоналашувдан келиб чиқади. Пайғамбар алайҳиссалом “Дўстингизни енгилроқ севингки, куни келиб у душман бўлиб қолиши ҳам мумкин. Душманингизга ҳам енгилроқ адоват қилингки, куни келиб у дўст бўлиб қолиши мумкин” деганлар. 10. Эр-хотин бир-бирига оғир дамларда далда бўлиши. Масалан, аёл касал бўлиб қолиши ёки ҳомиладорлик даврида унга моддий ва маънавий суянч кераклигини эр доим ёдида тутиши керак. Шунингдек, эрининг бирор сабаб билан кайфияти тушкунлигини, аёлининг меҳрига, далдасига муҳтожлигини фаросатли аёл дарҳол сезиб, қўлидан келган ёрдамини бериши, бундай пайтда эрининг ёнида туриши матлубдир. Шеригининг дардига ҳамдард бўлиш, уни қийнаётган муаммодан қийналиш ўртадаги муҳаббатни мисли кўрилмаган даражада ошириб юборади. Аллоҳ таоло юртимиздаги барча оилаларни мустаҳкам ва бахтиёр оилалардан қилсин. Турмушимизни янада обод этсин. Омин!

"Qurbon Xaytingiz muborak"

Admin — Sat, 04 Oct 2014 05:42:00 GMT

Оилали фохишалар

Admin — Fri, 03 Oct 2014 22:33:33 GMT

Кейинги пайтларда хиёнат сабабидан парокандаликка учраётган оилалар ҳақида кўп эшитяпмиз. Бу ҳол ёш оилалар қолиб, ўн-ўн беш йил, балки ундан ҳам кўпроқ бирга ҳаёт кечирган эр-хотинлар орасида ҳам юз бераётгани ачинарли ҳол. Ҳаёт аччиқ-чучугини татиб кўрган, оқ-қорани ажрата оладиган кишиларнинг бу тахлит шармисорлик билан ажралиши таажжубга солади кишини. Минг хижолатлик билан сабабини сўрасангиз, тап тортмай: — Эрим билан чиқишолмай қолдик. Менга ишонмайди. Ҳар қадамимни пойлайди. Бунақа ҳаёт кимга керак?!- дейишади чимирилиб. Шунча йил бирга яшаб, энди эри ишонмай қолган экан. Демак... Умуман олганда никоҳига, оиласига хиёнат қилиш, шаҳвоний нафсга эрк бериш халқимизда ва динимизда қаттиқ қораланади. Гарчи эркакнинг хиёнати “йигитчилик”ка йўйилиб оқланиб олинса-да, Аёл хиёнати кечирилмайди! — Ўғлимнинг оиласи бузилиб кетди, икки неварам ўзимда қолди, - дейди Тошкент шаҳридан қўнғироқ қилган онахон.- Келиним ёмон йўлга кириб кетди. Ўғлим билан ажрашишганди, бундай нопок аёл оналикка, бола тарбиялашга нолойиқ деб, болаларни ўзим тарбиялайдиган бўлдим. Фарзандларимни уйли-жойли қилиб тинчидим, энди хотиржам нафас олсам ҳам бўлади, деб турганимда бу кунлар ҳам бошимда бор экан. Бир пайтлари аёлларнинг хиёнати ҳақида гапириш, эшитишнинг ўзи ор эди. Ҳозир ҳар куни кимнингдир хотини, келини ё қизи хиёнат устида эрининг яқинлари томонидан ушлангани ҳақида гап-сўзлар қулоққа чалиниб туради. Одамлар шармандаликдан шарм қилмай қўйдилар чоғи? Ёш-ёш жувонларни кўрсангиз, алламбало кийимларни кийволишган. Кўзлари бежо, қачон қараманг кўчада. Орқаваротдан эшитсангиз, оиласи бузилган бўлиб чиқади. Номигагина эрга тегиб чиқишган, ўзларининг айтишича юзларини ёруғ қилиб олиш учун. Энди ажрашиб олиб хушига келганини қилиб юришибди. Икки ўртада яна қийинчилик, азият болаларга! Невараларимни яхши парвариш қилишга, меҳр беришга ҳаракат қиламан, аммо барибир онаси бўлолмайман-да! Болага она меҳри, она тарбияси зарур! Оналарнинг аҳволи эса ҳалиги!.. Оиласидаги етишмовчилик ёки эрининг рўзғорни таъминлай олмаётганини важ қилиб шаҳвоний нафси йўлига кириб кетган аёлларни ҳеч қандай ҳолатда оқлаб бўлмайди! Эҳтиёжмандлик ҳеч қачон ахлоқий бузуқликка сабаб бўлмаган, бўлмайди ҳам! Аёлнинг нопок йўлга қадам босишининг битта ва битта йўли — тийиқсизлик ва маънавий қашшоқлик! Ундай шармандаликнинг бошқа ҳеч қандай изоҳи йўқ! Пайғамбар алайҳиссалом дейдилар: «Уч хил ёмон сифат бордирки, улар (маънавий) фақирликдандир. Буларнинг бири ёмон хотиндирким, бирга бўлсанг, озор беради, йўқ бўлсанг, хиёнат қилади». Аввалига эрининг топиш- тутиши кўнгилдагидек эмаслигидан нолиб юрган аёл уни Россияга ишлагани жўнатиб юборди. Уч-тўрт ой ўтиб аёл ҳақида ҳар хил гап-сўзлар чиққан эди, у эрининг яқинларига: “Аёл киши эрсиз юрса соғлигига ёмон таъсир қилар экан. Нега эрим мени ташлаб кетворди” деб хиёнатини изоҳлаган экан. Энди ўзингиз бир ўйлаб кўринг, аввалига пулинг йўқ деб эр бечорани камситиб, уни бегона юртларда сарсон-саргардонликка юбориб, кейин никоҳига хиёнат қиляпти-ю, шу туришида ҳам эрини айбдор қиляпти. Хиёнатини соғлиги учун ниқоб қилиб олган аёллар бугунга келиб орамизда анчани ташкил қиляпти. “Жинсий ҳаёт нормал тарзда бўлмаса аёл кишида ҳар хил хасталиклар келиб чиқиши мумкин экан”. Кейинги пайтларда шундай беўхшов, бетийиқ гапларни кўп эшитяпмиз. Уруш пайтларида гўшангаларда бева қолиб кетган бувиларимиз нима қилишган экан-а? Айримлари 17-18 ёшида бева қолиб бир умр турмуш қурмай ўтишган. Аммо ўша пайтларда аёллар жинсий хасталиклари деган гаплар ҳозиргидек глобал муаммога айланмаган-ку! Хуллас, ҳар қандай ҳолатда ҳам аёлнинг хиёнати ўз Айбини ёпиш учун баҳона! Анчадан бери кўрмаган таниш аёлни учратиб қолдим. Гап орасида турмуши бузилганини айтди. Ҳеч хаёлимга келмаганди. Сабабини сўрагандим, тайинли жавоб йўқ. Тўғрироғи, 15-20 йиллик турмушини осонгина бузиб юбораётган аёлларнинг “кўҳна” ва қабиҳ “қўшиғи”ни куйлади: — Эримда кўнглим йўқ. Меҳр бермайди. Рашкни баҳона қилиб жанжал чиқараверади. Бир неча марта мени дўппослаган. Охири чидолмадим, уйдан чиқиб кетдим. Энди у билан яшамайман. Ўғлимни унга қолдирдим, ўғил болани орқамдан судраб юриб нима қиламан?! Қизим ўзим билан...- Аёл гап орасида яна “одноклассники.ру” сайтидан синфдошларини топиб олганини, айниқса, ёшлигидан ўзига севги изҳор қилавериб, ортидан қолмаган собиқ синфдош дўсти билан топишганини гапирганди, вазиятни чамалаб улгурдим. Демак синфдош билан ёзишмалар, телефонда кечаю кундуз гаплашишлар оқибатида ўн беш йиллик оила парокандаликка учраган. Қирқ ёшли аёлнинг ҳиссиётларга берилиб, шунчаки танишига ёшликдаги севгилиси ҳақида тўлқинланиб гапириши ғашимни келтирди. — У мени никоҳига олмоқчи,- деди у яна энтикиб-севиниб.- Аммо хотинидан истиҳола қиляпти шекилли. Мен жуда бахтлиман, жудаям,- дейди яна сурбетларча. Чамаси 30-40 дақиқалар давомида аёл собиқ синфдош севгилиси, уни йигирма беш йилдан бери севиши ваҳоказо ва ҳоказолар ҳақида тинмай гапирди. Уни эшитганимдан афсусланиб кетдим. Гўёки кўнглим кирланди. Агар яна бироз ёнида ўтирсам, дилимда тўлиб-тошган нафратим тилимга кўчиши муқаррар эди. — Ҳозир унақалар жуда кўпайиб кетган, -дейди бир дугонам ўзаро суҳбатимизда.- Қайнэгачим ўтирса-турса қўлидан телефон тушмайди. Кап-катта хотин бунча телефонда ким билан нимани гаплашаркан, деб ғашлансам, одноклассники.ру сайтидан аллақандай мактабдошими синфдошинимией топиб олган экан. Уялмай-нетмай ўша билан ёзишаркан. Яна тап тортмай, “унинг гапларини соғиниб қоламан” дейди ҳам. Гапларини эшитиб ўзимдан уялиб кетдим... Биз ўзбекмиз, биродар, ўзбекларнинг турмушида “Лайли- Мажнун”чилик кетмайди! Бизда турмуш қурган жуфтлар бутун ҳаёт давомида бир-бирига ЧИДАБ яшайди! Бошқаси бекор! “Эрим менга бефарқ”, “Бир пайтлари у мени севарди, ҳозир буни умуман эсламайди”, “Гул кўтариб келиб севги изҳор қилмайди, хиёбонларда айлантирмайди” деган важ-корсонлар билан эридан нолиб юрадиган аёлдан-да энг хунук, энг разил мавжудод бўлмаса керак дунёда! Бизнинг тамойилда аёл – фидоий бўлиши керак! Аёл-эрию болаларига қалқон, ғамхўр, меҳрибон бўлиши шарт! Вафодорлик ҳақидаку қайта -қайта эслатиш шарт эмас. Аммо афсуски, бугунга келиб айрим аёллар касрига ўзбек аёлининг асл қиёфасига қора чизиқлар тортилмоқда. Гуноҳлигини унутган гуноҳ — Аёл хиёнати, оилали бўла туриб нопок йўлларга кириб кетган бузуқ аёллар ҳақида гапириш тугул, ундайлар ҳақида эшитишнинг ўзи кишини ларзага солади, -дейди журналист Ҳусен Тангриев куюнчаклик билан.- Истеъдодли ижодкор Иқбол Қўшшаева бундай иллатлар ҳақида ёза туриб, “ Гуноҳ гуноҳлигини унутиб қўймоқда” деган эди... Чиндан ҳам, никоҳига, эрига хиёнат қилган аёллар аёллигини унутиб қўйган махлуқотлардир. Ундайларнинг жирканчлиги касри боласига уради. Таассуфки, гуноҳ жабрини бегуноҳлар тортади. Боласи оғримаса ҳам , ўлмаса ҳам, бузуқ аёлдан туғилган, фоҳишанинг тарбиясини (агар уни тарбия дейиш жоиз бўлса!) олган боладан келажакда нима каромат кутиш мумкин?! Аёлнинг бузилгани- наслнинг бузилгани эмасми, биродар?! Эркак хиёнатни кечирадими? Минг афсуски, айрим ҳолларда даюс эркаклар хотинининг хиёнатини кўриб-била туриб индамай юраверишади. Бу кўпинча хотин боқувчи бўлган оилаларда кўзга ташланади. Ҳатто айрим ориятсиз эркаклар хотини чет элларда танасини сотиб топиб юборган пулларга данғиллама ҳовли-жойлар қуриб яшашдан, хорижий русумдаги автомашиналарда юришдан ҳеч уялишмайди. Ундайларни Худо уриб қўйган! Унақалар ҳақида Аллоҳ таоло Қуръони каримда шундай марҳамат қилади: «Нопок аёллар нопок эрлар учундир (яъни, лойиқдир), нопок эрлар нопок аёллар учундир. Покиза аёллар покиза эрлар учундир, покиза эрлар покиза аёллар учундир» («Нур» сураси, 26-оят). Ислоҳ этилмайдиган хато! Мулоҳазаларимиз аввалида хиёнаткор аёлларнинг яъни, оилали фоҳишаларнинг қилмишларига “эрим узоқда” ёки “эрим касал, соғлигим учун жинсий ҳаёт зарур экан” деган шармандали иқрор билан ниқоб тортиши ҳақида гапирдик. Мақолани тайёрлаш жараёнида интернет сайтларининг бирида келтирилган далилга кўзимиз тушиб, ҳайратдан ёқа ушлаб қолдик. Кўпчиликка маълумки, ислом оламида бева қолган ёки эридан ажрашган аёл учун тўрт ою 10 кун мобайнида идда сақлаш буюрилади. Ғарб тиб олимларининг аниқлашича, бир марта эркак билан бирга бўлган аёлнинг бачадонида эркак манийси тўрт ой давомида сақланар экан. Тўртинчи ойдан ошиб ўтгач, аёл организми секин-аста тозаланиб борар экан. Шунингдек, англиялик олимлар бир эркак билан жинсий яқинликда бўлиб туриб, орада танаффус қилмай иккинчи эркак билан жинсий ҳаётни давом эттирган аёлларнинг бачадонларида оғир касалликлар пайдо бўлишини исбот қилдилар. Фоҳиша ишлар, зинокорлик, ҳайвоний ҳирсга асир бўлиш динимизда ҳам, жамиятимизда ҳам мутлақо оқланмайди! Ундай хатолар ҳеч иккиланмай ислоҳ этилмайдиган хатолар сирасига киради. Хато ислоҳ этилмаса, киши умрбод виждон азобидан ўртаниб яшайди. Ҳаётнинг лаззатини, маъно мазмунини кўрмай ифлос ботқоқда гўнг пашшаю қўнғизга ўхшаб умр кечирадиганлар ҳам виждон азобини англармикинлар?.. Умида АЗИЗ

Бегона (номаҳрам) билан бир ерда бўлиш ҳаромдир

Admin — Fri, 03 Oct 2014 22:12:41 GMT

Ислом ҳаром деб билган муносабатлардан бири эркакнинг бегона (номаҳрам) аёл билан бир жойда бўлишидир. Она, опа, сингил, ҳола ва амма каби эркакнинг хотини ёҳуд уйланиши ҳаром қилинган яқин қариндошларидан ташқари бутун аёллар эркак учун номаҳрам саналади. Бу таъқиқ эркак ёки аёл ёҳуд ҳар иккисига ишонилмагани учун эмас, балки уларни ораларида учинчи бир киши бўлмай туриб эркакнинг эркаклиги ва аёлнинг аёллигидан келиб чиқилиган ёмон фикрлардан ва нохуш васвасалардан ҳимоя қилиш билан ҳар иккисининг номусини пок тутишлик учундир. Бу хақда пайғамбаримиз саллаллоҳу алайҳи вассалом шундай марҳамат қилганлар: "Аллоҳ таолога ва охиратга иймон келтирган киши номаҳрам бўлган бегона аёл билан бир жойда қолмасин. Зеро, учинчилари шайтон бўлади". (Аҳмад) Қуръони Каримда Аллоҳ таоло пайғамбар завжалари ҳақида айтган: "Қачон сизлар пайғамбар аёлларидан бирон нарса сўрасангизлар парда ортида туриб сўранглар! Мана шу сизларнинг дилларингизни ҳам, уларнинг дилларини ҳам тоза тутгувчироқдир". (Ахзоб сураси-53) оятининг тафсирида Имом Қуртубий шунлай ёзади: "Бу ўринда эркакларнинг аёллар ҳақида ва аёлларнинг эркаклар ҳақидаги тушунчалари, ўй-фикрларини ифода этишликлир. Яъни, бу хол: ғийбатларнинг олдини-олади, тухматни узоклаштиради... Бу нарса шуни билдирали: Ҳеч ким ўзига ҳалол бўлмаган бир аёл билан бир жойда бўлиш борасида ўзига ишонмаслиги керак. Чунки, бунлай бир ҳолдан узоқ туриши ўзи учун яна ҳам хайрлидир, нафсини яхши муҳофаза этган ва номусини пок тутган бўлади". (Қуртубий тафсири 14-ж. 228-с.) Қариндошлар ўртасидаги эркинлик натижасида баъзи ваҳимали ва жирканч оқибатларнинг вужудга келиш сабабидан Расулуллоҳ саллаллоҳу алайҳи вассалом аёлларнинг хоссатан кайининилари билан бир жойда бўлишларини хуш кўрмаганлар. Чунки кариндош билан бирга бўлишлик тахликаси бошкалардан кўра кўпроқ, ундаги фитна қувватлироқ бўлади. Зеро у бегонадан фарқли ўлароқ ҳеч қандай монеъсиз уй ичида ва аёлнинг ёнида бемалол ҳаракат қилиши мумкин. Аёл кишининг маҳрами билан амакисининг ўғли, тоғасининг ва аммасининг ўғли сингари кариндошлари билан бир орада бўлиши хам жоиз эмас. Пайғамбаримиз саллаллоху алайхи вассалом шундай деганлар: - Хотинлар бор жойларга киришдан тийилингиз. Саҳобалардан бирлари сўради: - Қайининилар ҳақида нима дейсиз, ё Расулуллоҳ? - Қайининлар ўлимдир!.." (Бухорий, Муслим). Имом Нававий дейдики: Бу ҳадисдан мурод эркакнинг отаси ва болаларидан бошқа ақраболаридир. Чунки, ота ва болалар хотиннинг маҳрамлари ҳисобланади: Улар аёллар билан бир орада бўла бўлишлари мумкин ва бу ҳол ўлим билан тавсиф эттмади... Фақат бошқа акрабо-қариндошлар, эркакнинг ака-укаси, жиянлари, амакиси, амаки ўғли сингари (агар уйланмаган бўлишса) аёлни никоҳга олишлари ҳалол бўлган номаҳрам кишилардир. (Фатҳул Борий, 2-ж. 344-с.). Ҳадиси шарифдан шундай хусола чикадики, бегона эркак ва аёлнинг бир орада бўлишлари бир қанча жиҳатдан таҳликалидир. Масалан: иккиси орасида маъсият-гуноҳ вужудга келгани такдирда дин тахликада қолган бўлади. Хотинини талоқ қилишга қарорли бўлган тақдирда эса, бундай бир айрилик аёл учун жуда ҳам мусибатли бир тахлика саналади. Натижада эса кариндошлар ўртасида ҳар хил шубҳалар пайдо бўлиб ўзаро оилавий, қариндошлик ва ижтимоий робиталар хавф остида колади... Бу хусусда Ибн Касир дейдики: "Қайининилар ўлимдир" сўзи араблар кадимдан кўллаб келган бир ифодадир. "Арслон ўлимдир" ва "Султон оташдир" деганга ўхшаш... Яъни, бу икки нарса билан юзма-юз келишлик; ўлим ва оташла юзма-юз келишлик демак. Шунингдек, аёлнинг қайинини билан бир орада ёлғиз қолиши бегона бир киши билан ёлғиз колишидан тахликалироқдир. Чунки у яқин бўлгани учун балки хотинга баъзи нарсаларни гўзал кўрсатишлик билан эридан норози бўлган баъзи жиҳатларини кўради ва эр-хотин орасидаги ҳаёт бузилади. Зеро, эр киши уй ичидаги баъзи сирларидан бошқаларнинг хабар топишига рози бўлмайди.

Эр ўз аёлидан зерикканлигининг аломатлари

Admin — Fri, 03 Oct 2014 21:52:50 GMT

Баъзи оилаларда эр-хотин муносабатларининг совиши кузатилади. Бунинг ўзига хос сабаблари бор, албатта. Ушбу мақоламизда ўша сабабларни, яъни, эркакларнинг ўз аёлидан зерикиши, совишининг баъзи белгиларини ёритишга ҳаракат қилдик. Аёл киши эридаги ўша ўзгаришларни дарров пайқаб, уларни бартараф этиш чорасини кўришга ҳаракат қилиши лозим. Акс ҳолда бу совиш чуқурлашиб бориб, ўрта бутунлай бузилиши, охир оқибат ўша оила инқирозга юз тутиши мумкин. Шунинг учун аёллар бу борада ҳушёр бўлишлари лозим. Ўз ўрнида эркаклар ҳам ўз аёлларида қуйида зикр қилинадиган белгилардан бирортасини сезсалар, бу муаммодан қутулиш йўлини излашлари лозим бўлади. Токи оилалар бузилмасин, аксинча, эр-хотин бир-бирига меҳрли, илтифотли бўлиб, оилалари мустаҳкам, турмушлари обод бўлсин. Шундай қилиб, мазкур аломатлар қуйидагилар: 1. Эр аёли билан бирга ўтирганда ҳеч гаплашмай, жим ўтириши. 2. Аёли бирор ишни чиройли қилиб, тезда бажарса ҳам, уни рағбатлантиришга, кўнглини кўтаришга уринмай, бепарво бўлиши. 3. Хотинининг қилган ишларини кўп танқид қилиб, турли айблар топиши. 4. Хотинининг арзимас, кичик хатоларини ҳам катталаштириб гапириши. 5. Хотин ўз ота-онасини кўргани бориб, у ерда узоқ қолиб кетса ҳам парво қилмаслиги. 6. Эр оғайнилари билан кўчага ҳадеб чиқиб кетавериб, ўйида, аёлининг ёнида жуда кам бўлиши. 7. Эр уйида бўлганда ҳам аёли билан гаплашмай, ҳадеб телевизор кўриши ёки компютер ёнида узоқ ўтириб, интернет билан банд бўлиши. 8. Хотинининг сарф-харажатларига пул сарфлашни хоҳламаслиги ёки жуда оз миқдорда сарфлаши. 9. Уйда бўлган кезларда аёлининг юзига ҳеч назар солмаслиги. 10. Хотинига фақат жинсий алоқа вақтидагина эътибор қаратиши. 11. Эр аёлига ўзининг чарчаганлигини, толиққанлигини ҳадеб ошкора айтавериши. 12. Аёлининг берган саволларига жавоб бергиси келмаслиги. Хўш, эркак нега аёлидан безади? Баъзи эркаклар аёлининг хулқи ёмонлиги учун ёқтирмай қолса, баъзилари аёлидаги жасадий камчиликлар сабабли ёқтирмай қолади. Никоҳдан олдин бўлажак турмуш ўртоғи билан учрашувга чиққанда, қиз унинг кўзига жуда чиройли, тенги йўқ, бир сўз билан айтганда идеал жуфт бўлиб кўринади. Тўй ўтгандан кейин эса, учрашув пайтида сезилмаган ундаги айрим камчиликлар, номутаносибликлар кўзга ташлана бошлайди. Деярли барча қизлар учрашувга чиққанларида ўзларидаги қусурларини, хулқий камчиликларини яширишади. Комил инсон бўлиб кўринишга ҳаракат қилишади. Натижада, тўйдан кейин кўп ўтмай йигит қизнинг асл “юз”ини кўргандан сўнг ундан совий бошлайди. Айрим оилаларда бу совиш ажралиш, талоқ билан ниҳоясига етади. Баъзи эркаклар эса тақдирга тан бериб, ўша жуфтлари билан бир умр чидаб яшашга қарор қилишади. Хотин ўз эрига унча эътибор бермаслиги, унинг хоҳишлари билан ҳисоблашмаслиги, бўлар-бўлмасга эрини пул сарфлашга мажбур қилиб, уни ноқулай аҳволга солиши, итоатсизлик қилиши ҳам эрнинг совишига сабаб бўлади. Эр ўз аёлининг кўчаларда, бозорларда юрганида келишган йигитларга бақрайиб, ёмон кўз билан қарашини ёки телевизорда чиқадиган хушбичим, чиройли эркакларга суқланиб назар солиши сезиб қолса ҳам аёлидан кўнгли совиб, ундан бутунлай музлаб қолиши мумкин. Ўз ўрнида шуни айтиб ўтиш керакки, юқорида келтирилган аломатлар аёлда сезилиши, эр аёлидан эмас, аксинча, аёл эридан зериккан, совиган бўлиши мумкин. Шунинг учун мазкур аломатларга эркаклар ҳам эътиборли бўлишлари, хотинларида улардан бирортаси сезилса, дарҳол унинг чорасини ахтаришлари керак. Аёлнинг эридан зерикишига юқоридагидек, учрашган йигити тўйдан кейин у қадар идеал бўлиб чиқмагани, унда ҳам турли камчиликлар, номуносибликлар борлиги сабаб бўлади. Бундан ташқари эр аёлининг ёнида бегона аёл-қизларга тикилиб қараши ҳам аёлининг совишига олиб келади. Сўзимиз ниҳоясида Аллоҳ таолодан юртимиздаги ҳар бир оила мустаҳкам бўлишини, турмушимиз янада обод, ҳаётимиз бундан ҳам фаровон бўлишини сўраймиз.

Сен назар солса, сурур бағишлайдиган рафиқамисан?

Admin — Fri, 03 Oct 2014 21:04:47 GMT

Аксар опа-сингиллар турмушга чиққач, эри учун ясаниб юришга мажбур эканини унутиб қўйишмоқда. Ўзларига турли баҳоналар топиб, ташқи кўринишларига эътибор бериш учун жиддий уринишмайди. Бугунги кунда эри учун ўзини жозибали қилишнинг турли хил воситалари бўла туриб ўзини бундай тутиш икки карра ажабланарлидир. Нега опа-сингиллар ўз эрлари учун ясан-тусан қилишмайди? Эҳтимол ҳар бир келиннинг ўз баҳонаси бордир, шунга кўра, у ўзига қарамай қўяди, уйида эри учун ясанмай, пардоз-андоз қилмай қўяди. Бундай баҳоналарнинг келиб чиқишига бир қанча тушунчалар сабаб бўлса ажабмас. Уларнини барчасини санаб ўтиш имкони йўқ, шунинг учун кенг тарқалганларидан айримларини зикр қилиб ўтсак: 1. “Иймоннинг ўзи кифоя”. Ибодатдаги эркаклар ўз жуфтининг тақвоси бўлса кифоя, барча гўзаллик ҳаё либосида мужассамдир, деб ҳисоблайдилар. Бу фикрни қувватловчи далил Қуръони Каримда мавжуд: “Эй Одам болалари, батаҳқиқ, сизларга авратингизни тўсадиган либос ва зийнат либосини нозил қилдик. Тақво либоси, ана ўша яхшидир. Ана ўшалар Аллоҳнинг оят-белгиларидандир. Шоядки эсласалар”. (Аъроф сураси, 26 оят). Бироқ бу далилни тор тушунмаслик лозим. Яъни бу, сиз тўзиган сочлар, ифлос кийимлар ва улардан тарқаётган ёқимсиз ҳид билан юришингиз керак, асл гўзаллик қалбдадир ва унинг ўзи етади, дегани эмас. Йўқ, бу ўта тор тушунчадир! Эр аёли учун салобатли, озода кўринишга уриниши зарурлиги каби, аёллар ҳам ўз эрлари учун ёқишга, унинг кўзига энг гўзал сиймода кўринишга имкон қадар уриниши керак. Демак қалб гўзаллигидан ташқари чиройли кўриниш, озода табиат ва тоза дид ҳам зарурдир! 2. “У барибир муносиб баҳо бермайди”. Дастлаб аёл бутун кеча мабойнида ойна олдида ўтириб, пардоз-андоз қилади, энг чиройли либосини кияди, зеб-зийнатларини тақади. Эри эса ишдан келиб, буни муносиб баҳоламайди. Ёки юқори баҳолайди ю, бироқ буни аёлига билдирмайди. Шунда аёлнинг кўнгли ғаш бўлади ва бундан кейин эри учун безанишдан кўнгли совийди ва бу ишни секин аста тарк қилади. Аслидачи, фаросатли аёл ўз вазифасини тарк этмаслиги керак. Аёлнинг латофати ўзининг эри учун гўзал кўринишга ҳаракат қилишдан иборат! Ҳадиси шарифда Набий соллаллоҳу алайҳи васаллам шундай марҳамат қилганлар: «Сизларга кишининг тўплаган нарсалари ичида энг яхшиси нималиги ҳақида хабар берайми? У солиҳа аёлдирдир! Қачон унга қараса хурсанд қилади, қачон унга буюрса итоат қилади ва қачон ғоиб бўлса (унинг молмулкини) муҳофаза қилади» (Абу Довуд ривояти). Агар аёлнинг эри унга эътибор бермаётган бўлса, ҳаргиз бундан ноумид бўлмаслик лозим! “Эримга ёқмай қолдим”, демаслиги керак. Зотан, аксар эркакларнинг табиати ўзи шундай бўлади. Улар кам ҳолларда ўз хис-туйғуларини очиб сочади. 3. “У менга ҳеч нарса демайди – демак унга бу ёқади”. Буни бугунги кунимизнинг энг кўп учрайдиган янглиш фикри ва кўп ишлатиладиган баҳоналарнинг бири, десак хато қилмаган бўламиз! Юқорида зикр қилганимиздек, эркак киши кам гап бўлади. Бироқ аёллар у ҳаммасини кўриб тургани ва ҳаммасига эътибор қилаётганини доимо ёдда сақлашлари зарур. Ёқимсиз ҳид, исқирт либос ва ўзига қарамаслик қандай ёмон бўлса, муааттар ҳид, чиройлик либос ҳамда яхши парвариш қилинган қош кўз ва соч ҳам ҳар доим фазилат ҳисобланган. Шунинг учун эрингиз сизга бирон нарса дейишини кутмасдан, ҳаракатингизни қилинг! Акс ҳолда ростдан ҳам у сиздан совиши ва сиз учун барчаси ёмон оқибатлар билан якун топиши мумкин. 4. Ҳафсаласизлик. Эри учун гўзал бўлишда ҳафсаласизлик деган нарсани умумун унутиш керак. Унинг ҳаққини паймол қилманг. У сиздан ҳузурланиш учун ўз никоҳига олган. Унинг учун гўзал кўринишда хафсаласизликка йўл қўйсангиз вақт ўтиб, эрингиз норозилигига сабаб бўлишингиз мумкин. 5. Бола-чақа ва рўзғор ташвишлари. Аёл ёш болалари билан овора бўлиб, уларни овқатлантириши, уйқуга ётқизиши, ҳовлини саранжом-саришта сақлаши, оиланинг бошқа аъзоларига овқат тайёрлаши ва шу каби бошқа ишларни бажаради, куни билан елиб-югуради. Эҳтимол, буларнинг бари чиндан ҳам салмоқли сабаб бўлиб, эр учун вақт топа олмай қолар. Лекин нима бўлганда ҳам булар аёлнинг ўз эри кўзига исқирт қиёфада кўринишини оқлаш учун баҳона бўла олмайди! 6. Қовоқ солиб юриш! Эркакларнинг деярли барчаси аёлининг жилмайишини, кулишини, хурсанд ҳолда бўлишини ёқтиради. Буни аёллар эсларидан чиқармасликлари лозим. Кўчадан ёмон кайфиятда келган эрга очиқ чеҳрали табассум билан пешвоз чиққан аёл эрининг меҳрини қозонади, уйига тезроқ келишига, аёлининг очиқ чеҳрасини соғинишига сабаб бўлади. Ҳуда беҳудага тумтайиб олавериш эрнинг кайфиятини бузади ва бу ҳам кейинчалик аёлидан совишга олиб бориши мумкин! Мақолани ўқиб, чиққан опа-сингиллар: “Булар мен ҳақимда айтилган гаплар эмас экан”, десалар, жуда яхши. Лекин бу баҳоналар орасидан айримларини ёки ҳаммасини ўзларида кўришган бўлса жуда афсусланарли ҳолдир. Ушбу опа сингилларимиз “Эр учун ясаниш” деган мавзудаги муносабатни ҳозирдан бошлаб ўзгартиришлари керак бўлади. Муҳтарама аёлларимиз! “Кўча ҳандон уй зиндон”, қабилида ҳаракат қилиб, кўчадаги эркаклар учун ясаниб, бегоналар қарашларига ҳузур бахш этадиган, уйда эса барча бўёқларни ювиб юборадиган аёллар каби бўлманг!. Гўзаллигингизни эрингиз учун ифода қилинг! Унга ёқиш учун бор имкониятингизни ишлатинг! Бу йўлда қилган ҳаракатларингиз бекор кетмайди, балки унга ажр оласиз ва албатта бу уриниш ўзини оқлайди. Бу билан сиз эрингизни рози қиласиз ва унинг муҳаббатига мушарраф бўласиз. Эрнинг розилиги эса – Аллоҳ таолонинг розилиги демакдир.

Хотиннинг эрининг меҳмонларига хизмат қилиши

Admin — Fri, 03 Oct 2014 20:59:21 GMT

Бошкалар томонидан бир фитна хавфи бўлмаган такдирда аёл киши кийинишда, зийнатда, гапиришда ва юришда Ислом одобига амал қилган ҳолда эрининг хузурида уйга келган меҳмонларнинг хизматини килиши мумкин. Бу ҳолатда аёл киши меҳмонларни, мехмонлар эса аёлни кўриши мумкин. Имом Бухорий ва Имом Муслимлар ва бошқалариииг ривоятига кўра Сахл иби Саъд шуидай дейди: "Абу Усайд Саъдий тўй қилган вактида пайғамбаримиз саллаллоҳу алайҳи вассалом билан бирга саҳобаларни даъват қилган эди. Уларга на бир таом ҳозирланганди, на бир бошқа нарса тақдим қилинганди. Фақат унинг хотини Умми Усайд бир сопол идишда хурмо ювиб олиб келди ва хўл хурмоларни ўз кўллари билан сиқиб, сувини Расулуллоҳ саллаллоҳу алайҳи вассаломга ичирди" Шайхул Ислом Ибн Ҳажарнинг таъкидлаганидек, бу ҳадисга кўра хотин кишининг эрига ва келган меҳмонларига хизмат қилиши жоиз ҳисобланади. Аммо шуни унутмаслик керакки, бундай холларда орада хар кандай бир фитна ва шубҳанинг бўлмаслиги ва хотин кишининг беркитиши керак бўлган жойлари бекик бўлиши шарт. Замонамизнинг аксар хотинлари каби, мазкур коидага риоя қилинмаса, унинг эркакларга кўриниши ҳаромдир.

Муслималар учун энг муҳим ўн қоида!

Admin — Fri, 03 Oct 2014 20:37:52 GMT

Дунёда бирор аёл зоти йўқки, эри уни севишини хоҳламаса. Ҳар бир аёл эри у билан бахтли ҳаёт кечириши истайди, бироқ бунинг учун эрининг қалбини забт этиши лозим. Қуйида муслима аёллар учун ўз эрларини қалбларига йўл топишга туртки бўладиган бир нечта тавсияларни берамиз. 1. Турмуш ўртоғингиз учун жозибадор бўлинг. Ўз турмуш ўртоғингизни кўнглига йўл топишда Аллоҳ томонидан берилган гўзалликдан фойдаланинг. 2. Уни яхши кафиятда кутиб олинг Тасаввур қилинг, эрингиз чиройлик кийиниб олган аёл, меҳр билан тайёрланган таом, гўзал тарбияли болалар кутиб ўтирган покиза уйга кириб келди - буларнинг хаммаси эрингизнинг сизга мухаббати ошишига хизмат килмайдими? Энди иккинчи тараф бунга жавобан нима килишини тасаввур килаверинг. 3. Жаннат хурларининг таърифларини кўриб чиқиб, уларга ўхшашга харакат қилинг. Қуръон ва Хадисларда жаннат аёлларини ипакдан булган либослар кийишганлиги, кўзлари катта, тим қора эканликлари, эрига куйлаб беришлари в.х.к. каби маълум сифатлари билан таърифлаган. Эрингиз учун ипак либосларни кийиб, кўзларингиз "каттайиши" учун қовоғингизга тенлар қўйиб, эрингизга куйлаб беринг. 4. Уйингизда тақинчоқларни тақиб, ясаниб юринг. Қизлар ёшлигиданоқ Қуръонда сифатланганидек зираклар тақиб, чиройлик кийимлар кийиб, ясаниб юришади. Хотин булиб, эрингиз учун ясаниб, чиройлик кийимлар кийиб юринг. 5. Эрингиз билан хазил қилинг, ўйнашинг. Шу ўринда бир сир: эркаклар хазил килиб турадиган, беғубор аёлларга талпинишади. Бир куни Росулуллох соллаллоҳу алайхи ва саллам саҳоба Жобир розияллоҳу анхуга эри билан хазил мутойиба қиладиган аёлга уйланишларини айтдилар. 6. Эрингизга қилаётган ишлари учун қайта-қайта миннатдорчилик билдиринг. Бу энг мухим услублардан бўлиб, дузахдаги аёлларнинг сифатларига зиддир. 7. Уйингизда тортишув алангасини келтириб чиқарманг. Уни оддийгина "Кечиринг" деб, сўндиринг, хатто сизнинг айибингиз бўлмаса ҳам. Качонки сиз тортишсангиз, факат еққа мой сочасиз. Қаранг, сиз осонгина, бир оғиз:"Қулок солинг, мен афсусдаман. Келинг, тортишмайлик", деб айтсангиз ҳаммаси қандай булади-я. (Олам гулистон). 8. Доимо эрингизга ёқишга интилинг, чунки у Жаннатга киришиз учун калитдир Росулуллох соллаллоҳу алайхи ва саллам бизларга эри ундан рози булган холатда вафот этган аёл Жаннатга киради, деб таълим берганлар. 9. Қулок солинг ва итоат этинг! Эрга итоат қилиш фарздир! Эрингиз - оила рахбари. Унга бу масъулиятни хис этиб, сизни хурмат килишга имконият беринг. 10. Аллоҳ таолога никоҳингиз ва ўзаро муносабатларингизни муваффакиятли қилишини сўраб дуо қилинг Барча яхшилик - Аллоҳдан. Хеч качон Аллоҳ таолодан бу хаёти дунёда бошланиб, Ўзининг фазли-мархамати ила Жаннатда ҳам давом этадиган никоҳингизни гўзал бўлишини сўраб дуо қилишни унутманг. Аллоҳ барча оилаларга бахтли хаёт кечиришини насиб этсин. Омин. Саноуллоҳ Неъматуллоҳ ўғли тайёрлади